شروط الاستخدام

شنو كيقدم الموقع

منصة ديال التحضير لامتحان الألمانية فمستوى B1 وB2: تمارين، امتحانات تجريبية، تصحيح، وتقييم للأداء.

المحتوى تعليمي. كنجتهدو باش يكون صحيح، ولكن ممكن تلقى شي غلطة — إلا لقيتي وحدة، قول لينا وغادي نصلحوها.

الحساب

خاصك تصايب حساب بإيميل صحيح وتأكدو. الحساب ديالك وحدك — ما تقاسموش مع ناس آخرين.

نتا مسؤول على كلمة السر ديالك. إلا شكيتي أن شي واحد داخل لحسابك، بدلها دغيا.

العيّنة المجانية

فكل جزء من كل قسم كاين جوج تمارين محلولين للجميع، بالتصحيح ديالهم كامل. كيتحلّو بلا حساب وبلا كارط بنكية، وكيبقاو محلولين — ماشي مدة كتسالي.

العيّنة فيها التمارين وحدهم. Training ومحاكي الامتحان كيحلّهم الاشتراك.

صايب الحساب بوحدو بلا فلوس. الحساب ماشي هو لي كيحلّ التمارين — العيّنة محلولة حتى بلا حساب — ولكنه كيحتفظ بنتائجك ولوحة الأداء ديالك وكيخلّي الاشتراك يتفعّل عليه.

تجربة ديال 24 ساعة لي كنا كنعطيوها من قبل على WhatsApp ما بقاتش. العيّنة المجانية هي لي خدت بلاصتها.

الاشتراك والخلاص

الاشتراك 99 درهم فالشهر، كيتخلص عبر WhatsApp.

التفعيل كيتدار باليد من عندنا من بعد ما نتوصلو بالخلاص. عادةً كيكون بسرعة، ولكن ماشي فوري 24/24.

ما كاينش تجديد تلقائي. ملي يسالي الشهر، التمارين كيرجعو مسدودين حتى تخلص من جديد — الحساب والنتائج ديالك كيبقاو كيفما هوما. ما غاديش نخصمو منك شي حاجة بلا ما تطلب.

الأسعار ممكن يتبدلو، ولكن أي تغيير ما كيمسّش شهر خلّصتي عليه من قبل.

الإرجاع

حيت كاينة عيّنة مجانية — جوج تمارين فكل جزء، بالتصحيح، بلا خلاص وبلا حساب — كنتسناو منك تجرب قبل ما تقرر.

إلا وقع شي مشكل تقني من جهتنا منعك تستعمل الموقع، صيفط لينا فـ WhatsApp وغادي نلقاو حل معقول.

الاستعمال المسموح

المحتوى ديال الموقع لاستعمالك الشخصي فالتحضير للامتحان.

ما خاصكش: تعاود تنشر المحتوى، تبيعو، تستعملو فمركز تكوين بلا إذن، ولا تستعمل برامج آلية باش تحمّل الموقع كامل.

إلا خرقتي هادشي، نقدرو نسدو الحساب.

علاقتنا بـ telc

هاد الموقع ماشي تابع لـ telc ولا لأي جهة رسمية ديال الامتحانات. «telc» علامة مسجلة ديال أصحابها، وكنستعملو الاسم غير باش نوضحو على أي امتحان كنحضرو.

التنقيط لي كيعطيك الموقع هو تقدير مبني على معايير التصحيح المنشورة. ماشي نتيجة رسمية وما كيضمنش لك النقطة لي غادي تاخد فالامتحان الحقيقي.

ما كنضمنوش

ما كنضمنوش النجاح فالامتحان. النتيجة كتعتمد عليك: على المجهود، على الوقت، وعلى المستوى ديالك.

كنجتهدو باش الموقع يبقى خدام، ولكن ممكن يوقف شوية للصيانة ولا بسبب مشكل تقني.

إنهاء الحساب

تقدر توقف فأي وقت — ما كاين حتى ارتباط. طلب مسح الحساب وغادي نمسحوه.

نقدرو نسدو حساب خرق هاد الشروط. إلا وقع هادشي وكان عندك اشتراك جاري، غادي نرجعو ليك الباقي.

التواصل

لأي سؤال ولا مشكل، صيفط لينا عبر WhatsApp من صفحة الأسعار.